Շիրակի մարզում գտնվող Ամասիա գյուղի փողոցներից մեկում միմյանց կողքի կանգնած է 3-րդ կարգի վթարայնության երեք շենք։ Դրանք վթարային էին անգամ մինչեւ 1988թ. երկրաշարժը:

Շենքերի առաջին հարկերում գրեթե մարդ չի բնակվում, որովհետև քանդված ու շատ վատ վիճակում են գտնվում։ Մյուս հարկերը բնակեցված են, սակայն 32 բնակարանիցմիայն 17-ը բնակչներ ունեն։

Առավել շատ վնասված է 15-րդ շենքը։ Լուսինե Բարսեղյանը, որը շուրջ 3 տարի այստեղ է ապրում, պատմում է, որ տան լոգարանը փլուզվել է և ընկել առաջին հարկ։

«Ես այս տանն եմ բնակվում, որովհետև հայրական բնակարանս է։ Շենքը վթարային է, բայց քանի որ չեն համարել 4-րդ կարգի վթարային՝ դրա համար մենք այսպես անորոշ վիճակով ապրում ենք: Լոգարանի փլուզումից հետո էլ մարզպետարանից նամակ է եկել, որտեղ միայն համբերություն են մաղթում»,- ասում է Լուսինեն:

«Մենք հրավիրել ենք մասնագետ՝ վթարայնությունը նորից որոշելու համար, սակայն, ըստ մասնագետի եզրակացության, շենքը 3-րդ, ոչ թե 4-րդ կարգի վթարայնության է»,- հայտնեց Ամասիայի համայնքապետ Ջեմմա Հարությունյանը:

«ՀՀ-ում վնասվածության 3-րդ և 4-րդ աստիճանի (վթարային և խարխուլ) բազմաբնակարան շենքերի և բնակելի տների (առանձնատների) միանվագ հաշվառման» մասին 2001թ.-ին ընդունված օրենքի համաձայն՝ 3-րդ աստիճանի վնասվածություն ունեն այն շենքերը, որոնց կոնստրուկցիաներում առաջացած վնասվածքներն ու մնացորդային դեֆորմացիաները ենթակա են վերացման ուժեղացման-վերականգնման աշխատանքների միջոցով՝ սահմանված կարգով մշակված և հաստատված նախագծային փաստաթղթերի հիման վրա:

Այնինչ 4-րդ աստիճանի վնասվածություն ունեն այն շենքերը, որոնց կոնստրուկցիաների վիճակը վթարային է: Շենքերը վտանգավոր են հետագա շահագործման համար: Այդ շենքերի բնակիչներըենթակա են տեղահանման:

Բնակիչները շատ անգամ բողոք են ներկայացրել մարզպետարան: Նորից մասնագետներ են եկել, բայց շենքերի վթարայնության աստիճանը, միեւնույնն է, չի փոխվել:

Վերջերս տեղի ունեցած երկրաշարժի ժամանակ Ամասիայում միակ մտահոգությունն այս շենքերի հետ էր կապված, քանի որ այստեղ ցնցումներն ավելի ուժեղ էին, քան ներքևի գյուղերում։ «Փառք Աստծո այն անգամ ոչ մի փլուզում չգրանցվեց, սակայն չենք կարող երկար խուսափել»,- նշում է համայնքապետի տեղակալ Արտավազդ Ղուկասյանը:

Այնինչ՝ 4-րդ աստիճանի վնասվածություն ունեն այն շենքերը, որոնց կոնստրուկցիաների վիճակը վթարային է: Շենքերը վտանգավոր են հետագա շահագործման համար, դրանց բնակիչները՝ ենթակա տեղահանման:

Բնակիչները շատ անգամ բողոք են ներկայացրել մարզպետարան: Նորից մասնագետներ են եկել, բայց շենքերի վթարայնության աստիճանը, միեւնույնն է, չի փոխվել:

Վերջերս տեղի ունեցած երկրաշարժի ժամանակ Ամասիայում միակ մտահոգությունն այս շենքերի հետ էր կապված, քանի որ այստեղ ցնցումներն ավելի ուժեղ էին, քան ներքևի գյուղերում։ «Փառք Աստծո՝ այն անգամ ոչ մի փլուզում չգրանցվեց, սակայն չենք կարող երկար խուսափել»,- նշում է համայնքապետի տեղակալ Արտավազդ Ղուկասյանը:

Գյումրու «ԱԻՆ սեյսմիկ պաշտպանության տարածքային ծառայության հյուսիսային կենտրոնի» մասնագետների խումբը եղել է Ամասիայում։ Դիտարկումներ են կատարվել, սակայն վթարայնության աստիճանի վերանայման մասին որոշումներ չունեն։ Գյումրու սեյսմիկ պաշտպանության տարածքային ծառայության սեյսմոլոգիական ցանցի սեյսմոլոգ Սերգեյ Նազարեթյանը նշեց. «Ես մի քանի ամիս առաջ եղել եմ Ամասիայում և կրկին վերանայել շենքերի վթարայնությունը, որը սակայն, 3-րդ կարգի է մնում»:

Հաճախակի ստորագրահավաքներ են արվել բնակիչների կողմից, բողոքարկվել է շենքերի վիճակը, բայց պատասխանը եղել է, որ պետք է սպասեն։ Նրանց ուղղված պատասխանում նաև ասվում է, որ ծրագրի մեջ է վթարայնության հարցը, բայց իրագործման ժամկետն է անհայտ։

«Եթե կարողանայինք դուրս գալ այս շենքից, մեկ վայրկյան անգամ չէինք մտածի, քանի որ գնալով փլուզման վտանգն ավելանում է»,- ասում է 15-րդ շենքի բնակիչ Լուսինեն:

Շենքերի բնակիչների կյանքն ամենօրյա վտանգի մեջ է, սակայն նրանց հույսը չի մարում, որ մի օր իրենք էլ հանգիստ ու անվախ գլուխները կդնեն բարձին...